Bondia Twaha Kiduku ameonesha nia ya kuhitaji pambano baina yake na bondia kutoka Jamhuri ya Kidemokrasia ya Congo Tshimanga Katompa ambaye alimpiga bondia mwingine wa Tanzania Abdallah Pazi maarufu kama Dulla mbabe siku ya Jumamosi katika pambano lililopewa jina la Kiboko ya Wageni.
Katika kuonesha kutofurahishwa kupigwa na kudhalilishwa kwa Dulla Mbabe,Twaha amewaomba mapromota wa ngumi nchini kuandaa pambano hilo mapema ili yeye aweze kurudisha heshima ya nchi.
Twaha Kiduku hajapigana tangu ampige Dulla mwezi Agosti mwaka huu na amesema kuwa atajiandaa vya kutosha kuhakikisha anashinda endapo pambano hilo likiwepo.
