Kiungo mshambuliaji wa klabu ya Yanga sc na mfungaji bora wa ligi kuu ya Nbc msimu huu Stephane Aziz Ki amebainisha kwamba klabu ya Yanga sc ipo mbioni kumsajili mshambuliaji Prince Dube kuja kujiunga na timu hiyo kwa ajili ya msimu ujao wa ligi kuu na michuano ya kimataifa.
Ki aliyasema hayo alipokua akizungumza na Meneja wa maudhui wa klabu ya Yanga sc Priva Abiud wakati wa mahojiano ya moja kwa moja kupitia mtandao wa instagram ambapo Aziz Ki alikua akijibu ombi la meneja huyo la kuwa mfungaji bora msimu ujao.
“Mimi siyo mshambuliaji ni kiungo, kufunga siyo kazi yangu, Wanayanga wasahau kuhusu mimi kuwa mfungaji bora zaidi ninachoweza kuwaahidi ni kuwa top assists na sio mfungaji bora na kama mnataka mimi kuwa mfungaji bora kwanini klabu inanunua washambuliaji”Alisema Aziz Ki
“Dube anakuja na Guede yupo sasa mimi kazi yangu itakua ni kuwapa pasi za mabao na sio kufunga kwahiyo nachowaahidi ni kuwa mfungaji bora msimu ujao atatoka Yanga sc na mimi nitakua kinara wa pasi za mabao”alimalizia kusema Azizi Ki.
Licha ya kutoa siri kuhusu usajili wa Dube kutua Yanga sc pia maelezo hayo ya Aziz Ki yanaashiria kuwa msimu ujao staa huyo atakua Yanga sc kwa maana kuwa ameshafikia makubaliano na mabosi wa klabu hiyo kuhusu kuongeza mkataba klabuni hapo kwani mkataba wake unaishi juni 30 mwaka huu.
Dube anahusishwa na Yanga sc kwa muda mrefu baada ya kukataa ofa mbalimbali za kujiunga na timu kama Al Hilal ya Sudan na Simba sc ambazo zimewasilisha ofa rasmi za kumhitaji katika klabu yake ya Azam Fc.
