Zahera Atua Namungo Fc

Aliyewahi kuwa kocha wa klabu ya Yanga sc Mwinyi Zahera amejiunga na  Klabu ya Namungo  kuwa kocha mkuu wa timu hiyo kwa mkataba ambao haujawekwa wazi akichukua nafasi ya Dennis Kitambi ambaye amejiunga na Geita Gold Sports mwezi huu wa Disemba.

Namungo kutokea mkoani Lindi imeamua kumchukua Zahera ambaye ana uzoefu wa kimataifa katika kufundisha soka akiwahi kuwa kocha msaidizi wa timu ya Taifa ya Congo Drc yenye mastaa mbalimbali barani ulaya huku kwa timu za hapa nchini akiwa amewahi kuionoa Yanga sc,Polisi Tanzania na Coastal union.

Namungo Fc ambayo ilianza msimu ikiwa na kocha Cedrick Kaze ambaye aliamua kujiuzuru yeye mwenyewe kutokana na timu kuwa na mwenendo mbovu hali iliyosababisha kukosa matokeo mazuri ya ushindi katika michezo ya mwanzoni mwa msimu na kumuachia kocha Dennis Kitambi ambaye sasa yupo Geita Gold Sc

Mpaka sasa Namungo ipo nafasi ya 8 kwenye msimamo wa Ligi Kuu tayari imecheza mechi 14 ikishinda mechi 4, kufungwa 5 na droo 5 na ina pointi 17.