Yanga sc Vs Azam Fc Kupigwa Chamazi

Mchezo wa ligi kuu ya Nbc nchini bainaya vilabu vya Yanga sc dhidi ya Azam Fc unatarajiwa kufanyika katika uwanja wa Chamazi Complex jijini Dar es Salaam baada ya ombi la vilabu hivyo kuuhamishia mchezo huo katika uwanja wa Benjamin Mkapa kugonga mwamba.

Awali mabosi wa klabu ya Yanga sc walihitaji kuuhamishia mchezo huo katika uwanja huo mkubwa zaidi nchini lakini ombi hilo limekataliwa na Wizara ya Utamaduni na Michezo kutokana na kuwepo kwa ukarabati uwanjani hapo katika baadhi ya maeneo.

Yanga sc itakua na wakati mgumu katika mchezo huo hasa ikizingatiwa kuwa itakua imetoka kucheza michezo miwili migumu dhidi ya Coastal Union na Singida Black Stars inayocheza nao leo Oktoba 30.

Yanga sc mpaka sasa imecheza michezo saba ya ligi kuu ya Nbc nchini ikishinda yote na kukusanya alama 21 katika nafasi ya pili ya msimamo huku Azam Fc ikiwa na alama 18 ikicheza michezo tisa katika nafasi ya tatu ya msimamo wa ligi kuu ya Nbc nchini.