Simba Kileleni Ligi kuu

Klabu ya Simba Sc imesalia kileleni mwa ligi kuu ya soka ya Nbc nchini huku ligi hiyo ikisimama kupisha michuano ya kimataifa kwa wiki mbili mpaka Novemba 20.

Tayari mastaa wa baadhi za klabu za ligi kuu nchini wakiwa wamesafiri kujiunga na timu zao za Taifa na wakiiacha Simba sc kileleni mwa msimamo wa ligi kuu ya Nbc ikiwa na alama 25 baada ya kucheza michezo 10 ya ligi kuu nchini.

Simba sc imekaa kileleni baada ya kushinda michezo miwili mfululizo dhidi ya Mashujaa 1-0 Fc na dhidi ya Kmc 4-0 baada ya kufungwa na Yanga sc 1-0 katika mchezo wa derby uliofanyika Oktoba 19 2024.

Hali ikiwa hivyo kwa Simba sc,kwa upande wa Yanga sc hali imekua tete baada ya kufungwa michezo miwili mfululizo katika ligi kuu wakipoteza 1-0 dhidi ya Azam Fc na 3-1 dhidi ya Tabora United hali iliyoleta sintofahamu klabuni hapo.

Sekeseke la kufungwa kwa Yanga sc halijaisha hivi ambapo limesababisha klabu hiyo kuhama uwanja wa Azam Complex Chamazi jijini Dar es Salaam na kuhamia Uwanja wa Kmc Complex walipo watani wao Simba sc.

Taarifa pia zilidai kuwa mabosi wa klabu hiyo wameanza kusaka mbadala sahihi wa kocha Miguel Gamondi ambaye inasemekana mustakabali wake klabuni hapo umeanza kuleta mashaka.

Yanga sc na Simba Sc tayari zimeahirishiwa michezo yake miwili ya ligi kuu dhidi ya Singida Fountain Gate na Pamba JIJI ili kujiandaa na michezo ya michuano ya Caf.