Klabu ya soka ya Mtibwa Sugar Fc imetangaza kuwa dau la kumsajili kinda wa klabu hiyo Ladack Chasambi ni shilingi za kitanzania milioni mia moja ambayo ipo katika kipengele cha kununua mkataba wa kinda huyo mwenye kasi uwanjani.
Chasambi ambaye amekulia katika timu ya vijana chini ya miaka 20 ya klabu hiyo aliwahi kuwa mchezaji bora wa ligi ya vijana U20 kwa misimu miwili mfululizo akiiongoza Mtibwa kutwaa ubingwa huo kama nahodha kwenye hiyo misimu miwili.
Tayari klabu za Yanga sc,Simba sc na Azam Fc pamoja na Singida Fountain Gate Fc zimeonyesha nia ya kumnasa kiungo mshambuliaji huyo huku tayari zikiwa zimetajiwa dau kamili la usajili wa staa huyo ambaye bado ana mkataba na Mtibwa Sugar.
Meneja wa mchezaji huyo George Job ambaye pia anawasimamia Kibwana Shomari,Dickson Job na Abuutwalib Msheri.
“Kwa muda sasa mtibwaofficial imeendelea kutoa vipaji ambavyo vimeenda kufanya vizuri, lakini kwa miaka ya hivi karibuni wametoa zaidi kwenye eneo la ulinzi na kipa kuanzia msimu jana mzunguko wa pili alipo pandishwa rasmi na mpaka sasa msimu huu @ladack_68 ndio amekua cheche yenye matumaini ya mwanga kwa klabu hiyo”.
“Ni muda muafaka sasa Manungu kutoa kipaji kwenye eneo la kiungo mshambuliaji. Mchezeshe pembeni au nyuma ya mshambuliaji popote utakapo jisikia kumtumia, tegemea mazuri mchezaji bora wa ligi ya U20 kwa misimu miwili mfululizo akiiongoza Mtibwa kutwaa ubingwa huo kama nahodha kwenye hiyo misimu miwili”.
“Maswali yaliyopo sasa ni lini na ATAENDA WAPI? Sio jambo la kuficha tena Ladack ataondoka Manungu hivi karibuni”.Aliandika meneja huyo kuashiria kwamba tayari ana ofa mezani kutoka katika timu tajwa ambazo zimeonyesha nia ya kumhitaji kinda huyo.
