Simba sc Yastaafisha Jezi ya Mkude

Katika kutoa heshima kwa Jonas Mkude,klabu ya Simba sc imeamua kustaafisha jezi namba 20 iliyokua ikivaliwa na mchezaji huyo ili kutoa heshima kwa staa huyo ambaye wamechana nae hivi karibuni.

Simba sc imeamua kufanya hivyo siku chache baada ya kutangaza rasmi kuwa wameachana na staa huyo huku hali hiyo ikipokelewa tofauti na baadhi ya mashabiki wa klabu hiyo waliokua wakihoji sababu hasa ya kumuacha licha ya kuitumikia klabu hiyo kwa moyo wote kwa takribani miaka 13.

Mkude ameondoka Simba sc ambapo kwa mujibu wa meneja habari wa klabu hiyo Ahmed Ally kuwa uamuzi huo umetokana na mambo ya kiufundi zaidi japo hawakupenda kuachana nae.

“Ameondoka mtu tunayempenda kweli, ameondoka mtoto wetu, mtoto wa nyumbani kwetu. Kwa miaka ya hivi karibuni hakuna mchezaji tumewahi kumpenda kama Jonas Mkude na tutaendelea kumpenda,”