Kaze,Hersi Wafuata Mido Rwanda

Kocha msaidizi wa klabu ya Yanga sc pamoja na Makamu Mwenyekiti wa kamati ya usajili Eng.Hersi Said wametua nchini Rwanda kumuangalia kiungo matata wa soka Abeid Bigirimana raia wa Burundi anyecheza katika klabu ya Kiyovu Fc.

Inasemekana safari hiyo lengo lake kubwa ni kuangalia maendeleo ya kiungo huyo ambaye ndiye kinara wa mabao Rwanda mpaka sasa, akiwa na mabao (9)  huku pia kuangalia uwezekano wa kufanya nae mazungumzo ya awali endapo wataridhishwa nae kwa ajili ya kumsajili dirisha kubwa la usajili likifunguliwa mwezi juni.

Yanga sc inahitaji mshambuliaji wa kusaidiana na Fiston Kalala Mayele mwenye mabao 11 baada ya Heritier Makambo kushindwa kumpa changamoto staa huyo mkali wa mabao ya kideoni.

Pia kuna nafasi ya kusajili kiungo mshambuliaji wa kigeni baada ya wazawa kama Dickson Ambundo na Farid Mussa kutokua na muendelezo wa viwango vyao huku tayari ikifahamika Hersi alishafanya mazungumzo na kiungo wa Asec Mimosa Ki Aziz kujiunga na Yanga sc.