Jkt Yaikomalia Azam Fc

Kikosi cha klabu ya Azam Fc kimelazimishwa suluhu ma klabu ya Jkt Tanzania katika mchezo wa ligi kuu ya Nbc nchini uliofanyika katika uwanja wa Meja Jenerali Isamhyo uliopo Mbweni jijini Dar es Salaam.

Azam fc ikiwa na machungu ya kuondolewa katika michuano ya klabu bingwa barani Afrika na Apr ya nchini Rwanda baada ya kukubali kipigo cha 2-0.

Katika mchezo huo Azam Fc iliwaweka benchi mastaa wake kama Jhonier Blanco,Paschal Msindo huku ikiwaanzisha mabeki Yanick Bangala,Yeison Fuentes waliosaidiwa na Lusajo Mwaikenda na Nathaniel Chilambo.

Ever Meza na Adolf Mtasingwa walianza eneo la kiungo cha kati huku Idd Nado na Gibrill Sillah walicheza kama mawinga na Feisal Salum na Nassoro Saiduni wakianza kama washambuliaji wa kati.

Azam Fc muda mwingi ilishindwa kujenga mashambulizi imara licha ya kuwa na mastaa wa kigeni wengi waliosajiliwa kwa gharama kubwa.

Mpaka dakika tisini zinaisha kila timu iligawana alama moja moja huku kocha wa Azam Fc Yousouph Dabo akisema kuwa haogopi kufukuzwa kwa maana kuwa ndio maisha ya makocha.

Azam Fc sasa imefikisha alama moja ikiwa katika nafasi ya saba ya msimamo huku Jkt Tanzania ikiwa katika nafasi ya nane ya msimamo ikiwa na alama sawa na Azam Fc.