Msafara wa kikosi cha timu ya Simba sc umefanikiwa kuwasili salama Visiwani Zanzibar kwa ajili ya mchezo wa ligi kuu dhidi ya Klabu ya Azam Fc utakaofanyika kesho Septemba 26 katika uwanja wa New Amaan complex Visiwani humo.
Kikosi hicho kikiwa na kumbukumbu nzuri ya ushindi wa mabao 3-1 dhidi ya Klabu ya Al Ahly Tripoli ya Libya katika mchezo wa marudiano wa hatua ya pili ya michuano ya kombe la Shirikisho barani Afrika uliofanyika katika uwanja wa Benjamin Mkapa jijini Dar es Salaam jumapili iliyopita na kufanikiwa kufuzu hatua ya makundi ya kombe hilo.
Msafara huo baada ya kuwasili ukiwa na mastaa wa kikosi hicho ulipata wasaa wa kwenda ikulu ya Zanzibar kuonana na Rais Hussein Mwinyi.
Kesho mchezo huo unatarajiwa kuwa mkali na wa kusisimua kutokana na kila timu kuhitaji alama tatu muhimu ambapo Simba sc mpaka sasa ina alama tisa ikishinda michezo yake yote mitatu huku Azam Fc ikiwa na alama nane baada ya kucheza michezo minne ya ligi kuu ya Nbc nchini.
