Straika Mzimbabwe Atua Simba sc

Kocha Abelhack Benchika wa klabu ya Simba Sc amewaigiza mabosi wa klabu hiyo kukamilisha haraka usajili wa staa wa Chicken Inn ya Zimbabwe Michael Charamba ambaye tayari ameshatua nchini kukamilisha usajili wake kujiunga na klabu hiyo.

Simba sc baada ya kumaliza usajili wake wa ndani ikiwasajili Ladack Chasambi kutoka Mtibwa Sugar,Edwin Balua kutoka Prisons na Saleh Masoud Karabaka kutoka Jku ya Zanzibar sasa mabosi hao wameamua kukamilisha usajili wa kimataifa kwa kumshusha staa huyo hapa nchini usiku wa manane kukamilisha mazungumzo na kusaini mkataba na atajiunga na Simba sc visiwani Zanzibar.

Kocha Benchika inaelezwa ndiye aliyependekeza usajili wa mchezaji huyo mwenye uwezo wa kucheza nafasi zote za ushambuliaji au kama mshambuliaji namba mbili pamoja na winga zote mbili hasa ya kulia huku akiwa na uwezo wa kufunga mabao taofauti tofauti.

Charamba aliyezaliwa mwaka 1996 Kwekwek nchini Zimbabwe atakua na kazi kubwa ya kuonyesha ubora wake nchini baada ya kusajiliwa kuja kupambana na mastaa Cletous Chama na Moses Phiri ambao wanacheza maeneo sawa uwanjani huku pia kukiwa na kina Kibu Dennis na Andre Onana.

Baadhi ya makocha wakongwe nchini Zimbabwe wametaja Charamba kama usajili bora kwa Simba sc kutokana na staa huyo kuwa na ufanisi katika nafasi tofauti tofauti eneo la ushambuliaji.