Simba Sc Yahamia kwa Kinzubi

Baada ya kukamilisha usajili wa Elia Mpanzu sasa klabu ya Simba  Sc wamehamia kwa winga wa TP Mazembe Philipe Kinzumbi ambaye hapo awali alikuwa akihusishwa na Yanga japo dili hilo halijakamilika mpaka sasa.

Simba sc  wanataka kukamilisha sajili zao mapema zaidi ili kuandaa timu kwaajili ya kurudisha makali yake yaliyopotea msimu ujao wa ligi kuu na michuano ya kimataifa.

Simba Sc wamepanda dau kuhitaji huduma ya winga huyu machachari kutoka Tout puissant Mazembe ambaye hapo awali alihusishwa kupishana na Kennedy Musonda katika klabu ya Yanga sc ambapo pia Yanga sc wangelipa na kiasi fulani cha fedha.

Msimu huu Simba sc wamemaliza ligi wakiwa katika nafasi ya tatu ya msimamo nyuma ya Yanga sc na Azam Fc huku wakikata tiketi ya kombe la shirikisho barani Afrika kitendo ambacho hakijawafurahisha mashabiki wa klabu hiyo.

Tayari bosi Mo Dewji ameonyesha kuwa tayari kufanya usajili wa nguvu kikosini humo akivutiwa zaidi na usajili wa vijana ambao watakua na msaada mkubwa kwa klabu kwa siku za usoni.