Ngoma Ajiengua Simba Sc Mdogo Mdogo

Kiungo wa klabu ya Simba Sc Fabrice Ngoma ameanza kujiengua klabuni hapo mdogo mdogo kwa kuanza kufuta baadhi ya picha zake akiwa na jezi ya klabu hiyo katika mitandao yake ya kijamii.

Ngoma amefuta asilimia kubwa ya picha akiwa na jezi ya Simba Sc katika mtandao wake wa Instagram huku pia akifuta utambulisho unaomuonyesha kuwa ni mchezaji wa klabu hiyo kwenye mtandao huo.

Sababu kubwa ya Ngoma kufanya hivyo ni kutokana na kusuasua kwa mazungumzo ya mkataba mpya na mabosi wa klabu hiyo huku pia ikisemekana kuwa kocha Fadlu Davis hajamuweka kwenye mipango yake ya mida mrefu.

Mkataba wa kiungo huyo unaisha mwishoni mwa msimu huu na mabosi wakubwa klabu hapo hawana haraka ya kufungua mazungumzo kuhusu mkataba mpya huku mpaka sasa pia kiungo huyo amepoteza nafasi ya kuanza kikosi cha kwanza mbele ya Deborah Fernández.

Hata hivyo pamoja na hayo bado staa huyo ana ofa nono kutoka kwa baadhi ya klabu hasa za mataifa ya kiarabu ambapo zinavutiwa kumsajili.

Ngoma alitua Simba sc katika usajili uliosumbua kutokana na kuhitajika na klabu ya Yanga sc kiasi ya kufanya mazungumzo lakini mwishoni staa huyo aliamua kujiunga na Simba sc.