Mexime Atua Ihefu Fc

Kocha mwenye maneno makali Mecky Mexime amejiunga na klabu ya Ihefu FC sikua chache baada ya kuachana na klabu ya Kagera Sugar Fc kwa makubaliano ya pande mbili ambapo tayari ametambulishwa rasmi klabuni hapo.

Mexime amejiunga na klabu hiyo kwa mkataba ambao haujawekwa wazi utakua wa muda gani japo kwa taarifa za ndani kuwa unaweza kuwa wa mwaka mmoja kuwanoa mastaa wa timu hiyo akichukua nafasi ya Moses Basena ambaye alitimuliwa kutokana na matokeo mabovu.

Moja ya kazi kubwa ya Mexime ni kurudisha makali ya Ihefu ambayo mpaka sasa inashika nafasi ya 13 katika msimamo wa Ligi Kuu ikiwa na pointi 13 ikishinda mechi 3, sare 4 na kufungwa 7.

Taarifa rasmi kutoka klabuni hapo ilisomeka “Rasmi klabu yetu imefikia Makubaliano na Kocha MECKY MEXIME kuwa Kocha Mkuu wa timu yetu ya Ihefu Sc”.

“MEXIME ni Kocha mkubwa ndani ya Nchi yetu na ni mzoefu kisoka kwa ngazi ya klabu na timu za Taifa, kuanzia sasa ataliongoza benchi letu la Ufundi la MbogoMaji kama kocha Mkuu katika ligi na Mashindano mengine”.