Connect with us

Soka

Chama Afungiwa Michezo Mitatu

Nyota wa klabu ya Simba sc Cletous Chama amefungiwa michezo mitatu (3) na kutozwa faini ya TSh. 1,000,000 kwa kosa la kumkanyaga kwa makusudi mchezaji wa Yanga Sc, Nickson Kibabage wakati mchezo wa Derby ya Kariakoo uliopigwa Aprili 20, 2024 katika dimba la Benjamin Mkapa.
Staa huyo kutokana na adhabu hiyo atakosa mechi tatu zinazofuata za Simba Sc ukiwemo mchezo wa Derby ya Mzizima kati ya Simba Sc dhidi ya Azam fc unaotarajiwa kupigwa Mei 9, 2024. Michezo mingine atakayokosa ni pamoja na mechi dhidi ya Mtibwa Sugar na Tabora United.
Kamati ya bodi ya ligi inayosimamia na kuendesha ligi kuu nchini ilimkuta na hatia hiyo baada ya kujiridhisha kuwa staa huyo alimkanyaga beki huyo kwa makusudi kinyume na kanuni ya 41:5(5:2) inayohusu udhibiti wa wachezaji.
Simba sc sasa itamkosa staa huyo ambaye pia yupo mbioni kumaliza mkataba na klabu hiyo huku tetesi zikimhusisha zaidi kuondoka klabuni hapo ambapo amekua na mchango mkubwa katika kuamua matokeo ya timu hiyo ambayo sasa ipo chini ya kocha Juma Mgunda.
Simba sc sasa italazimika kuwatumia Saido Ntibanzokiza,Leandre Onana,Edwin Balua,Ladack Chasambi ama Luis Miquisone ambao wana uwezo mkubwa wa kucheza maeneo ambayo staa huyo anacheza kiwanjani

Related Topics
Click to comment

Leave a Reply

Your email address will not be published. Required fields are marked *

More in Soka