Benchika Aimaliza Kagera Sugar

Kocha Abdelhack Benchika ameanza kuonyesha umwamba katika ligi kuu nchini baada ya kuiongoza klabu yake ya Simba sc kushinda 3-0 dhidi ya Kagera Sugar katika mchezo uliofanyika katika uwanja wa Uhuru jijini Dar es salaam.

Ikianza mchezo ikiwa na viungo watatu wa katikakati wakiongozwa na Fabrice Ngoma,Saido Kanoute na Mzamiru Yassin timu hiyo ilifanikiwa kumiliki mchezo kwa asilimia kubwa huku wakiwalazimisha Kagera kubaki nyuma ya mpira.

Saido Ntibanzokiza aliangushwa ndani ya eneo la hatari na mwamuzi kuamuru penati ambayo imezua taharuki miongoni mwa wadau wa soka baada ya kurudiwa mara mbili ambapo alifunga bao la uongozi dakika ya 45 kipindi cha kwanza.

Krosi safi ya Mohamed Hussein iliunganishwa kwa kichwa na Sadio Kanoute na kuipatia Simba sc bao la pilii dakika ya 75 ya mchezo huku John Boko akifunga bao la tatu dakika ya tisini ya mchezo akimalia pasi fupi ya beki Deus Bukenya kurudisha pasi fupi kwa kipa na mpira kumkuta mfungaji.

Simba sc sasa imefikisha jumla ya alama 22 katika michezo tisa ya ligi kuu ikiwa katika nafasi ya tatu ya msimamo huku Azam Fc ikiwa kileleni mwa msimamo na alama 28 katika michezo 12 ya ligi kuu.