Baleke Atajwa Yanga sc

Kutoka vyanzo vya kuaminika kabisa zinadai kuwa Yanga SC imeanza mchakato wa kuhakikisha wanainasa saini ya mshambuliaji Jean Othus Baleke ambaye amewahi kuitumikia klabu ya Simba sc kwa mkopo akitokea timu ya Tp Mazembe.

Baleke  kwa sasa anaitumikia Al Ittihad ya Libya na alikuwa nyota wa zamani wa Simba Sc  ambayo aliichezea Kwa mkopo wa muda wa mwaka mmoja na kurudi Mazembe baada ya kutua kwa kocha AbdelHack Benchika ambaye hakuridhishwa na uwezo wa mshambuliaji huyo.

Yanga sc wana mpango wa kuimarisha safu yao ya ushambuliaji na wanamuona Baleke kama mshambuliaji sahihi kutokana na aina ya viungo waliopo klabuni hapo ambapo yeye atakua na kazi ya kufunga tu huku mastaa kama Aziz Ki na Pacome Zouzou watakua na kazi ya kuhakikisha mipira inafika kwa staa huyo.

Kutajwa kwa Baleke kuhitajika Yanga sc ni ishara kuwa klabu hiyo haijaridhishwa na uwezo wa mshambuliaji wake Joseph Guede ambaye amefunga mabao mawili hivi karibuni walipocheza na Singida Fountain Gate Fc katika uwanja wa CCM Kirumba jijini Mwanza.

Inasemekana pia hata kiungo Stephane Aziz Ki amekubali kuongeza mkataba wa kusalia klabuni hapo akiweka sharti la kusajiliwa kwa mshambuliaji wa daraja la juu ili kuhakikisha kuwa klabu hiyo inatwaa taji la klabu bingwa barani Afrika.