Azam Fc,Sillah Ngoma Ngumu

Mabosi wa klabu ya Azam Fc wanahaha kumpa mkataba mpya kiungo mshambuliaji wa klabu hiyo Gibril Sillah ambaye mpaka sasa pamoja na kupewa ofa hiyo bado hajaisaini.

Sillah aliyejiunga na Azam Fc kwa mkataba wa miaka miwili akitokea Wydad Athletic ya nchini Morocco ambapo mkataba wake utafikia tamati Juni 30 2025 na mabosi wa Azam Fc wanatamani staa huyo aendelee kusalia klabuni hapo kwa muda mrefu zaidi.

Sillah amekua na mchango mkubwa klabuni hapo tangu ajiunge na klabu hiyo amekua akifunga na kutoa usaidizi wa mabao mara kwa mara.

Kocha aliyepita klabuni hapo Yousouph Dabo alifanikiwa kutengeneza kombinesheni nzuri baina ya Feisal Salum,Silah na Kipre Junior ambapo walifanikiwa kifunga zaidi ya mabao 30 licha ya kucheza muda mrefu bila mshambuliaji halisia.

Sillah amesikika akisema kuwa anatamani siku moja kucheza na mastaa wakubwa kama Cletous Chama na Stephan Aziz Ki kwa maana ya mastaa hao watamrahisishia kazi kutokana na kuwa na viwango vya hali ya juu.

“Natamani pia kucheza na wachezaji wakubwa hasa wewe unapokua mchezaji mzuri ukicheza na wachezaji wakubwa kazi yako inakua rahisi kwa maana wanarahisisha vitu vingi kwa hiyo ni ndoto yangu”

Mpaka sasa mabosi wa Azam Fc bado hawajakata tamaa kuhusu kumuongezea mkataba staa huyo na wanajipanga kuja na ofa nono zaidi.

”