Yanga Sc Yaisambaratisha Kurugenzi

Ni muendelezo wa vipigo kwa timu za madaraja ya chini katika michuano ya kombe la shirikisho nchini ambapo Yanga sc ilifanikiwa kuibuka na ushindi wa mabao 8-0 dhidi ya Kurugenzi Fc katika mchezo uliofanyika katika uwanja wa Benjamin Mkapa jijini Dar es salaam.

Kinda Clement Mzize alifanikiwa kufunga mabao manne dakika za 1′, 8′, 41, 45 katika mchezo huo huku Yussuph Athuman akifunga mabao mawili na Bryson Rafael akifunga moja huku beki wa kurugenzi akijifunga bao moja.

Yanga sc sasa imefanikiwa kufuzu hatua ya 32 bora ya michuano hiyo huku kocha Cedrick Kaze akiwaweka benchi mastaa kama Feisal Salum,Fiston Mayele,Jesus Moloko na Yannick Bangala pamoja na Khalid Aucho na kuwaanzisha Mzize,Aziz Ki,Morrison,Mauya na wengineo akiwemo majeruhi Djuma Shabani.