Simba Sc Mipango Kimya kimya

Baada ya ushindi wa 1-0 dhidi ya Ihefu Mabosi wa klabu ya Simba sc wamejifungia kimya kimya ofisini kuangalia kikosi chao jinsi kinavyoenda hasa ubora wa kikosi katika michezo kadhaa ya ligi kuu hasa dhidi ya Kmc waliyopoteza,sare na Singida na hii ya ushindi dhidi ya Ihefu sc.

Mabosi hao wahajaridhishwa na viwango vya baadhi ya mastaa waliosajiliwa klabuni hapo msimu huu ambapo kocha Juma Mgunda amekua akikosa machaguo sahihi hasa mbadala wa Cletous Chama,Moses Phiri na Augustine Okrah pindi wanapokosekana ama wanapokua na viwango duni wakati wa mechi husika.

Taarifa za ndani zinadai baadhi ya mastaa wanaweza kuachwa hasa wale wa kigeni ambapo mpaka sasa mastaa watatu wamekalia kuti kavu kutokana na kuonyesha viwango duni akiwemo Mohamed Outtara,Victor Akpan na Mnigeria Nelson Okwa ambao wameshindwa kupenya na kupata namba katika kikoso cha kwanza cha klabu hiyo.

Simba sc inatajwa kuwa ipo mbioni kuwasaini Bobosi Byaruhanga na  Cesar Manzoki kutoka Vipers na Dallian Fc ya nchini China ili kuja kuleta uhai eneo la mbele la klabu hiyo.