Senzo Aondoka Yanga sc

Senzo Mbatha Mazingiza ambaye ni Afisa Mtendaji mkuu wa klabu ya Yanga sc ameachia ngazi nafasi hiyo aliyodumu kwa takribani mwaka mmoja baada ya kukumbwa na matatizo ya kifamilia ambayo amekua nayo mbali kwa muda wa miaka mitatu.

Senzo aliandika barua kwa Kamati ya utendaji ya klabu ya Yanga sc akiomba kutoongeza mkataba wake ambao umeisha jana Julai 31 ili apate muda wa kukaa na familia yake ambayo aliiacha tangu mwaka 2019 alipokuja nchini na kujiunga na klabu ya Simba sc alipodumu kwa muda wa miaka miwili kisha kuhamia Yanga sc ambapo amekaa kwa muda mmoja huku klabu zote hizo alikaa akishinda mataji mawili kwa Simba sc moja la ligi kuu na kombe la Shirikisho.

Baada ya kuhamia Yanga sc kama mshauri wa mabadiliko msimu wa 2020/2021 alifanikiwa kutwaa kutwaa mataji manne ikiwemo ligi kuu,ngao ya jamii,kombe la shirikisho na kombe la mapinduzi.

Taarifa za ndani zaidi zinadai kuwa Senzo anakwenda kujiunga na Shirikisho la soka kusini mwa Afrika (Cosafa) ambapo anakwenda kuwa Afisa Mtendaji mkuu wa shirikisho hilo.