Sare ya Kmc Yamuamsha Benchika

Kocha wa klabu ya Simba sc Abdelhack Benchika ameruhusu kusajiliwa kwa majembe mawili ya fasta klabuni hapo kuja kuongeza nguvu katika kikosi hicho katika dirisha dogo la usajili ambalo limefunguliwa mwezi huu kwa ajili ya klabu kuongeza nguvu katika vikosi vyao.

Benchika ameruhusu usajili huo haraka mara baada ya kupata sare dhidi ya Kmc ya 2-2 huku Simba sc wakikosa mabao kadhaa na kumfanya kocha huyo aruhusu kusajiliwa kwa mshambuliaji mmoja kuja kuongeza nguvu pamoja na kiungo wa ukabaji.

Kocha huyo amewaruhusu mabosi kuongeza nguvu kikosini humo katika nafasi hizo baada ya safu ya sasa kuonyesha mapungufu kadhaa hasa eneo la kiungo analocheza Fabrice Ngoma,Mzamiru Yassin,Sadio Kanoute na Nassoro Kapama ambapo mpaka sasa jina la kiungo Erick Mbangossoum raia wa Chad anayecheza nafasi ya kiungo mkabaji katika  Klabu ya Union Touarga Sport yenye maskani yake Rabat ikishiriki Ligi Kuu Morocco na kwa sasa ikishika nafasi ya 10 baada ya kujikusanyia pointi 14 katika michezo 10 kwenye ligi hiyo inayoshirikisha timu 16.

Pia tayari mabosi wa klabu hiyo wamekamilisha usajili wa winga Ladack Chasambi kutoka Mtibwa Sugar huku wakiwa wanasubiri siku ya kumtambulisha rasmi kikosini humo.