Ni Fiston Mayeleee

Ni jina ambalo kwa sasa linaimbwa tangu siku ya Jumamosi baada ya kufanikiwa kuipa ushindi klabu ya Yanga sc baada ya kufunga mabao 2 katika ushindi wa 2-1 dhidi ya Simba sc na kufanikiwa kuwapa Yanga sc taji la kwanza msimu huu la kombe la ngao ya jamii.

Mchezo huo uliokua na mshike mshike ambapo iliwachukua Simba sc dakika 16 kupata bao la kwanza kupitia kwa Pape Osmane Sakho ambaye alimalizia pasi safi ya Cletous Chama bao ambalo lilidumu mpaka kipindi cha kwanza kilipomalizika.

Mapema kipindi cha pili pasi ya mpenyezo ya Stephane Aziz Ki ilimkuta Fiston Mayele ambaye alimchungulia kipa Beno Kakolanya na kufunga bao la kusawazisha dakika ya 49 ya mchezo na kufanya matokeo yawe 1-1.

Dakika ya 80 Fiston Kalala Mayele alifunga bao la pili na kuihakikishia klabu yake Taji la kwanza la msimu huku akimuacha beki kisiki Henock Inonga akiwa hana la kufanya.

Yanga sc itakabiliana na Polisi Tanzania siku ya August 16 ikiwa ni mchezo wa ufunguzi wa ligi kuu nchini ambao utafanyika katika uwanja wa Sheikh Amri Abeid jijini Arusha.