Manara Ahamia Yanga sc Mazima

Msemaji wa klabu ya Yanga sc Haji Manara amehamia klabu ya Yanga sc moja kwa moja baada ya kuchukua kadi ya Uanachama ya klabu hiyo yenye makao yake mitaa ya Twiga na Jangwani Kariakoo ambayo amekabidhiwa na Mwenyekiti wa klabu hiyo Dk.Mshindo Msolla.

Haji Manara ambaye alikua msemaji wa klabu ya Simba sc alihamia Yanga sc baada ya kuachana na Simba sc ikidaiwa hakua na maelewano mazuri na Mtendaji mkuu wa klabu hiyo Babrah Gonzalez hali iliyopelekea ugomvi na kutoelewana kiasi cha kuomba kuachia ngazi kama msemaji wa klabu hiyo.

Msemaji huyo machachari hakuwahi kuwa na kadi ya uanachama wa klabu yeyote hapa nchini hivyo kuchukua kadi ya uanachama wa klabu ya Yanga sc kunamfanya moja kwa moja kuwa mwanachama hai wa klabu hiyo ambayo ipo katika kipindi cha usajili wa wanachama klabuni hapo kupitia kampuni ya Kilinet.