Djuma Shabani Anukia Azam Fc

Mlinzi wa pembeni Djuma Shabani aliyekuwa anakipiga kwenye kikosi cha Yanga sc misimu kadhaa nyuma huenda akajiunga na Azam fc kabla dirisha halijafungwa.

Taarifa zinaeleza kuwa yupo katika mazungumzo na Azam fc kuona namna ya kukamilisha dili hilo, endapo dili hilo litakamilika Azam fc watalazimika kuachana na mchezaji mmoja wa kimataifa ili kumpisha Djuma Shabani raia wa Drc Congo.

Djuma na Yanga sc mpaka sasa wapo kwenye mgogoro wa kimkataba baada ya mchezaji huyo kuomba kuondoka klabuni hapo huku wakivutana kuhusu baadhi ya vipengele ili kukamilisha kuachana huko ambapo mpaka sasa Yanga sc hawajamjuisha mchezaji huyo katika kikosi chao cha msimu ujao.

Awali kulikua na taarifa za mchezaji huyo kutakiwa na klabu hiyo lakini taarifa hizo zilipotea ghafla na sasa zimeibuka tena ambapo tayari mchezaji mwingine Yannick Bangala tayari ameshajiunga na Azam Fc akimchomoa Issa Ndala kikosini humo.

Azam Fc ili ikamilishe usajili wa Djuma Shaban inapaswa kumuacha mchezaji mmoja kutokana na kutimiza idadi ya wachezaji 12 wa kigeni wanaotakiwa kwa mujibu wa kanuni za ligi kuu kwa wachezaji wa kigeni.