Baleke Hatari Tupu

Mshambuliaji wa klabu ya Simba sc Jean Baleke amezidi kuthibisha ubora wake baada ya kuwafunga mabao mawili ya haraka haraka Ihefu Sc katika mchezo wa ligi kuu uliofanyika katika uwanja wa Mbarali jijini Mbeya.

Ihefu walioanza na kikosi imara katika mchezo huo huku Simba sc ikianza na kikosi cha wachezaji wengi wanaokaa benchi akiwemo kipa Ally Salim,Gadiel Michael,Ibrahim Sawadogo pamoja na Habib Kyombo.

Ihefu Fc licha ya kujitahidi kupata bao la uongozi lakini waliishia kushangazwa na kufungwa bao dakika ya 84 na Jean Baleke baada ya mabeki wa klabu hiyo kuzembea kuondoa mpira uliomkuta mfungaji akiwa peke yake na kuukwamisha wavuni na dakika mbili baadae walifungwa tena bao la pili kwa tiktaka baada ya mpira wa kichwa wa staa huyo kugonga besera.

Sasa kutokana na mabao hayo Baleke amethibitisha ubora wake akifunga jumla ya mabao saba katika ligi kuu nchini tangu atue klabuni hapo akitokea Tp Mazembe kwa mkopo wa msimu mzima huku jumla tangu mwaka uingie akifunga mabao 14.