Azam Festival Na King Kiba Kesho

Uongozi wa Azam FC umesema kuwa mashabiki wasikose kesho kujitokeza kwa wingi uwanja wa Azam Complex kwenye kilele cha Azam Festival kwani kutakuwa na burudani za kutosha zilizoandaliwa kwa ajili yao.

Agosti 23, Azam FC inayonolewa na Kocha Mkuu Arstica Cioaba raia wa Romania ina jambo lao ambalo litakuwa na burudani za kutosha kwa mashabiki wao.

Mtendaji Mkuu klabu hiyo, Abdulkarim Amin amesema kuwa watu wajitokeze kwa wingi kwani kutakuwa na jogging, mechi ya timu za vijana huku timu ya Azam Fc itacheza dhidi ya Namungo na msanii maarufu nchini King Kiba naye atakuwepo katika sherehe hiyo.

“Mpira ni wa mashabiki na sio wa klabu, tunaenda kuwatambulisha wachezaji wetu kwa ajili ya msimu ujao wa 2020/2021” alisema ofisa habati wa Azam FC, Thabith Zakaria.