Kocha wa timu ya Taifa ya Tanzania Hemed Morocco amemuita beki wa klabu ya Mashujaa Fc Ibrahim Ame kujiunga na kambi ya timu hiyo kuchukua nafasi ya beki wa klabu ya Simba Sc Abdulrazak Hamza ambaye amepata majaraha.
Hamza alikuwepo katika orodha iliyotangazwa na kocha huyo lakini ameshindwa kujiunga na timu hiyo inayojiandaa na michezo miwili ya kuwania kufuzu michuano ya mataifa ya Afrika mwaka 2025 dhidi ya Dr Congo kutokana na kupata majeraha katika mchezo wa mwisho klabuni kwake dhidi ya Coastal Union.
Ame tayari amewasili kambini na ataungana na mabeki wengine kama Ibrahim Hamad,Dickson Job na Bakari Mwamnyeto kuunda kikosi hicho hatari kinachowania alama hizo sita.
Taifa stars itawavaa Congo siku ya Alhamis Oktoba 10 wiki hii kisha itarejea nchini kwa ajili ya kurudiana na timu hiyo wik ijayo Oktoba 15 katika uwanja wa Benjamin Mkapa jijini Dar es Salaam.
Katika msimamo wa kundi H Taifa Stars ipo nafasi ya pili ikiwa na alama nne huku Congo DR ikiwa na alama sita kileleni mwa msimamo na Ethiopia ikiwa na alama moja huku Guinea ikiwa mkiani na timu zote zimecheza michezo miwili.
