Aziz Ki Atemwa,Beki Simba Sc Akiitwa B/Faso

Wakati Beki wa kushoto wa klabu ya Simba Sc Valentin Nouma amerejeshwa kwenye kikosi cha timu ya taifa ya Burkina Faso (The Stallions), kinachojiandaa kucheza michezo miwili ya kufuzu AFCON 2025,Kocha wa Taifa hilo amemtema nyota wa klabu ya Yanga Sc Stephane Aziz KI tofauti na matarajio ya wengi.

Kikosi cha Burkina Faso kitacheza dhidi ya Senegal Novemba 14 mwaka huu,Kwenye Uwanja wa Stade du 26 Mars na Novemba 18 ikiwa ugenini itacheza dhidi ya Malawi kwenye Uwanja wa Bingu ikiwa na muendelezo wa kuwania kufuzu michuano ya mataifa ya Afrika mwaka 2025.

Bukina Faso wapo Katika Kundi L la kufuzu Afcon 2025 na ndio wanaongoza kundi hilo wakiwa na alama 10 sawa na Senegal inayoshika nafasi ya pili, wakitofautiana idadi ya mabao ya kufunga na kufungwa, huku Burundi wakishika nafasi tatu na alama tatu ya ikiwa na Malawi wanaburuza mkia wakiwa hawajapata alama yeyote katika mechi nne walizocheza.

Hata hivyo Burkinafaso na Senegal tayari wameshafuzu michuano hiyo mikubwa kwa timu za Taifa (Afcon) 2025 ambapo fainali hizo zitakazofanyika nchini Morocco.