Azam Fc Yailaza Mashujaa Fc

Klabu ya Azam Fc imeibuka na ushindi wa mabao 3-0 dhidi ya mashujaa Fc katika mchezo wa ligi kuu nchini uliofanyika katika uwanja wa Lake Tanganyika mkoani Kigoma.

Azam Fc iliandika bao la kwanza dakika ya 52 kupitia kwa Kipre Junior aliyeunganisha vizuri pasi ya upendo kutoka kwa Gibri Sillah ambaye aliwazidi maarifa walinzi wa Biashara United ambao walidhani alikua ameotea.

Mashujaa Fc pamoja na kuwa katika uwanja wa nyumbani walikua na makosa mengi sana hasa eneo la ulinzi ambapo tena uzembe wa kukaba ulimfanya Sillah akapata nafasi ya kufunga bao la pili kwa mkwaju mkali akimchambua kipa dakika ya 70.

Mabadiliko ya mwalimu Yousouph Dabo kumtoa idriss Mbombo na kumuingiza straika mwenye mwili mnene Alasane Diarra yalizaa matunda baada ya mshambuliaji huyo kufunga bao la tatu akiunganisha pasi ya Feisal Salum na kuimaliza mechi mapema dakika ya 73 ya mchezo.

Mpaka dakika 90 za mwamuzi Jonesia Lyukaa zilimalizika kwa Azam Fc kuendelea kusalia katika nafasi ya tatu ya msimamo wa ligi kuu wakiwa na alama 15 katika michezo nane huku mchezo ujao wakiwafuata Ihefu Fc wilayani Mbarali.