Yondani,Dante Wakinukisha Yanga

Mabeki nguli wa klabu ya Yanga sc Kelvin Yondani,Vicent Andrew na Juma Abdul wamegomea kuhudhuria mazoezi ya timu hiyo yanayoendelea kambini mjini Morogoro wakishinikiza walipwe fedha zao wanazodai.

Taarifa zaidi zinadai wachezaji hao wanadai fedha za usajili toka mwaka juzi huku Yondani ikidaiwa amegoma kisa fedha za usajili za mwaka jana aliposaini mkataba wa miaka miwili.

Mastaa hao wanahisi hawathaminiwi baada ya mastaa wapya wa kigeni kusajiliwa kwa kupewa fedha kamili huku wao wakiwa wanadai fedha za nyuma.

“Ingekua mshahara ningekua nisharipoti kambini lakini sio fedha za usajili toka mwaka juzi na wakati unaona wenzako wanasajiliwa na wanalipwa fedha kamili wakati sisi tuliopambana na timu hatulipwi”.Alisema mmoja ya wachezaji hao.

Yanga imekua ikipitia kipindi kigumu cha masuala ya fedha baada ta aliyekua mfadhili wa klabu hiyo Yussuf Mehboob Manji kujitoa miaka mitatu iliyopita.