Pacome,Aucho Wagombea Tuzo Novemba

Mastaa wa klabu ya Yanga sc Khalid Aucho,Pacome Zouzou na Clement Mzize wameingia katika kinyang’anyiro cha kuwania mchezaji bora wa mwezi wa klabu ya Yanga sc inayodhaminiwa na Shirika la Bima la Taifa (NIC).

Tuzo hiyo hufanyika kila mwezi ambapo mchezaji aliyefanya vizuri kushinda wengine klabuni hapo hupata tuzo hiyo ambapo mshindi huyo hupata kiasi cha shilingi milioni nne kutoka kwa wadhamini wa tuzo hizo Shirika la Bima la Taifa.

Huu ni mwezi wa pili tuzo hizo kutolewa tangu klabu hiyo isaini mkataba wa miaka mitatu na shirika hilo kwa shilingi milioni mia tisa ambapo kwa mara ya kwanza Stephan Aziz Ki alichukua tuzo hiyo akiwashinda Max Nzengeli na Dickson Job.

Kati ya watatu hao ushindani mkubwa upo baina ya Pacome na Mzize ambao wote walifanya vizuri katika mchezo dhidi ya Simba sc kiasi cha kuisaidia klabu hiyo kuibuka na ushindi wa mabao 5-1 huku pia Mzize pamoja na kutoa pasi mbili za mabao katika mchezo huo pia alifunga dhidi ya Coastal Union katika ushindi wa 1-0.

Mshindi wa tuzo hizo hupatikana kwanza huchaguliwa waliofanya vizuri watatu kisha kupigiwa kura na mashabiki wa klabu hiyo kupitia njia ya mtandao.