Mwambusi Atua Coastal Union

Kocha wa zamani wa timu za Mbeya City Fc na Yanga sc Juma Mwambusi amefikia makubaliano ya kuionoa klabu ya Coastal Union Fc ya jijini Tanga ambayo inashiriki ligi kuu ya Nbc nchini.

Mwambusi ambaye aliwahi kutingisha anga la soka nchini kutokana na kiwango cha timu ya Mbeya City kwa wakati huo amefikia makubaliano na mabosi wa Coastal Union na kusaini mkataba wa mwaka mmoja huku kukiwa na kipengele cha kuongeza kutokana na kiwango cha timu.

Kocha huyo hivi sasa tayari amewasili jijini Arusha ilipo kambi ya klabu hiyo ambapo sasa inatumia uwanja wa Sheikh Amri Abeid Kalita kama uwanja wake wa nyumbani kutokana na uwanja wa mkwakwani kuwa katika matengenezo.

Coastal Union baada ya kuachana na kocha wake mkenya David Ouma imekua na kiwango kisichoridhisha katika ligi kuu nchini ambapo mpaka sasa ipo nafasi ya tisa ya msimamo ikiwa na alama nane katika michezo nane ya ligi kuu.