Mokwena Amkubali Feisal

Kocha wa timu ya Wydad Casablanca Rulani Mokwena ameonyesha kuvutiwa zaidi na uwezo wa kiungo wa klabu ya Azam Fc Feisal Salum baada ya kumfuatilia kwa kina katika mchezo wa kirafiki baina ya klabu hiyo na timu yake ya Wydad Casablanca ya nchini Morocco.

Mokwena ambaye alikua kocha wa Mamelod Sundowns kuanzia mwaka 2022 alipopewa majukumu kamili ya kuinoa klabu hiyo kabla ya kutimuliwa msimu huu na kujiunga na Wydad kama kocha mkuu ameonekana kufurahishwa zaidi na uwezo wa Feisal tangu msimu uliopita baada ya kujiunga na Azam Fc.

“Kwangu katika bara hili (Afrika) Feisal ni mchezaji wa kipekee sana sio tu kama mwanasoka pia napenda utu wake, kiubinadamu ni mtu mzuri sana, pia naipenda Azam FC.”alisema Mokwena alipokua akizungumza na waandishi wa habari baada ya mchezo huo kumalizika.

“Miaka michache nyuma nililetewa jezi ya klabu ya Azam, kwahiyo hii timu naipenda na ina nafasi kwenye moyo wangu.”Alimaliza kusema kocha huyo raia wa Afrika kusini.

Feisal amekua na msimu mzuri tangu alipoondoka Yanga sc na kujiunga na Azam Fc ambapo amefanikiwa kufunga jumla ya mabao 19 ya ligi kuu huku akionyesha uwezo mkubwa zaidi klabuni hapo baada ya kuaminiwa kucheza kama mshambuliaji wa pili.