Mamelod Wawasili Usiku

Kikosi cha klabu ya Mamelod Sundowns tayari kimewasili nchini usiku ya machi 28 kuwakabili Yanga sc siku ya Jumamosi katika mchezo wa kwanza wa robo fainali ya michuano ya klabu bingwa barani Afrika utakaofanyika katika uwanja wa Benjamini Mkapa jijini Dar es salaam.

Msafara wa kikosi hicho umewasili baada ya mastaa saba waliokua nchini Algeria na timu ya Taifa ya Afrika kusini kuwasili mapema machi 27 na ndege ya kukodi ili kuiwahi mechi ambapo usiku wa machi 28 kikosi kilichosalia kimewasili nchini kikiwa kamili huku kikibeba mahitaji yote muhimu ikiwemo chakula na maji.

Msafara huo ulikua chini ya ulinzi mkali wa walinzi binafsi kutoka Afrika ya kusini ambapo waligoma kabisa kuruhusu mahojiano ya aina yeyote na viongozi,kocha ama wachezaji wa timu hiyo.

Mechi baina ya timu hizo imekua gumzo hapa nchini kutokana na ubora wa vikosi hivyo huku mafanikio ya ghafla ya Yanga sc yakisababisha timu nyingi barani Afrika kuiangalia timu hiyo kwa jicho la pekee zaidi.

Yanga sc ikiwa kama mwenyeji inapaswa kujipanga zaidi kuhakikisha inapata matokeo katika mchezo huo ili kutengeneza mazingira ya kufuzu hatua ya nusu fainali mapema kabla ya mchezo wa marudiano utakaofanyika April 5 nchini Afrika ya kusini.