Manchester United na Real Madrid wanachunguza hali ya mshambuliaji wa Inter Milan na Argentina Lautaro Martinez, 22 baada ya mazungumzo ya kuhamia Barcelona kugonga mwamba. (Marca via Mirror)
Klabu ya Manchester City iko tayari kushindana na Chelsea ili kumsaini beki wa leicester City na England mwenye umri wa miaka 23 Ben Chilwell iwapo atapatikana. (Telegraph)
Napoli haitapunguza thamani ya £100m kwa mchezaji wa Senegal Kalidou Koulibaly 28- ambaye amehusishwa na uhamisho wa kuelekea Manchester United – licha ya suala la uhaba wa kifedha uliosababishwa na virusi vya corona. (Mirror)
Kiungo wa kati wa Juventus na Bosnia-Herzegovina Miralem Pjanic, 30, amekataa ofa kutoka kwa klabu za Chelsea na PSG kwasababu anataka kujiunga na Baracelona . (Marca)
Tottenham imejiondoa katika kumsajili kiungo wa kati wa Itali na Roma Nicolo Zaniolo kutokana na thamani yake ya juu ya £62m. (Star)
Mkufunzi Neil Lennon anasema kwamba klabu ya Celtics iko katika mazungumzo kuhusu kandarasi mpya na mchezaji wa Ufaransa Odsonne Edourd 22 ambaye pia amehusishwa na uhamisho wa Arsenal na Manchester United. (Mail)
Kiungo mchezeshaji wa Uhispania Angelino, 23, anatarajiwa kurudi katika klabu ya Manchester City baada ya uhamisho wake wa mkopo katika klabu ya RB Leipzig ambayo haiwezi kulipa £25m. (Manchester Evening News)
Aliyekuwa kiungo wa kati wa Chelsea Michael Ballack ameunga mkono uamuzi wa kumsaini mshambuliaji wa Ujerumani mwenye umri wa miaka 24 Timo Werner kutoka klabu ya RB Leipzig na anaamini mchezaji huyo mwenye umri wa miaka 24 ataizoea rahisi ligi ya premia.. (Sky Germany)
Kiungo wa kati wa Croatia Ivan Rakitic, 32, anataka kusalia katika klabu ya Barcelona hadi pale kandarasi yake itakapokamilika mwisho wa msimu wa 2021 licha ya ripoti kusema kwamba ataondoka mapema. (Goal)
Kiungo wa kati wa Paris St-Germain Ander Herrera, 30, anasema kwamba mchezaji mwenza wa Uruguay Edinson Cavani, ambaye kandarasi yake inakamilika mwisho wa msimu huu anataka kucheza nchini Uhispania. Mshambuliaji Cavani mwenye umri wa miaka 33 amehusishwa na uhamisho wa kuichezea Atletico Madrid. (Diario As via Mail)
Beki wa Manchester United mwenye umri wa miaka 19 Brandon Williams yupo katikati ya mvutano wa mawakala wawili wanaotaka kumsajili.. (Mirror)
Leicester city wanataka kuweka rekodi ya usajili kwa kumuuza mlinzi wake wa kushoto Ben chiliwell 23, kwa zaidi ya £80+ chiliwell anahitajika na Chelsea pamoja na Manchester city. (Sport mole)
Kiungo wa zamani wa kaizer chiefs Siphiwe Tshabalala 35, amesema Lockdown ya mlipuko wa corona imemkwamisha kujiunga na vilabu vya Italia, uturuki na China vilivyokuwa vinamuhitaji baada ya mkataba wake na BB Erzurumspor ya ugiriki kumalizika. (Goal.com)
Juventus wanatarajia kukutana na Hellas Verona wiki hii kuangalia namna ya kuishinda inter Milan katika mbio za kumsajili kiungo wake marash kumbulla 20, (Juve.com)
Juventus pia wameingilia kati dili la Manchester united kumsajili kiungo wa Ajax Donny van de beek 23, kwenye dirisha la usajili kiangazi. (Juve.com)
Everton imeingia kwenye mbio za kumtaka kiungo wa juventus anayehusishwa pia na Manchester united Adrien Rabiot 25, mfaransa huyo amecheza mechi 24 tu chini ya kocha wake Maurizio sarri. (Eye Football)
Wakala wa mshambuliaji wa Orlando pirates mzambia Justin shonga amesema hatima ya mteja wake itaamuliwa na klabu yake hiyo licha ya kuhusishwa na vilabu kutoka Tanzania. (Goal.com)
Juventus wamefikia makubaliano binafsi na mshambuliaji wa Napoli Arkadiusz milik 26, milik ambaye alihusishwa pia na Arsenal atamaliza mkataba wake na Napoli unaisha msimu ujao na klabu hiyo. (Juve.com)
Manchester united ni miongoni mwa timu zilizokuwa tayari kulipa £100m kwaajili ya kumsaji kinda wa Barcelona mhispania Ansu Fati 17, lakini Barcelona walikataa kumuuza mshambuliaji huyo kinda anayetegemewa kufanya makubwa baadaye kwa dau hilo. (Caughtoffside)
