Kmc Yamsajili Banda

Klabu ya Kmc Fc imefanikiwa kuinasa saini ya winga Peter Banda raia wa Malawi na kuizidi kete klabu ya Singida Fountain Gate Fc ambayo ilianza mazungumzo na staa huyo mapema tangu mwishoni mwa mwaka jana.

Banda ametua Kmc baada ya Singida Fg kuchelewa kukamilisha dili hilo huku kifungo cha kuzuiwa kusajili na Fifa pamoja na TFF kikiwaponza kutokana na kushindwa kulipa fedha kwa wakati ili waepuke zuio hilo.

Banda mchezaji wa zamani wa Simba sc anakwenda Kmc kuiongezea nguvu klabu hiyo hasa katika eneo la ushambuliaji lililochini ya Waziri Junior huku timu hiyo mpaka ligi inasimama ikiwa katika nafasi ya nne ikiwa na alama 21 baada ya kucheza michezo 14 ya ligi kuu.

Kmc imepanda viwango chini ya mwalimu Abduhamid Moalin kiasi cha kufanya vizuri msimu huu tofauti na msimu ulioisha.