Kibwana Asalia Yanga Sc

Beki wa Kulia Kibwana Shomari ameongeza mkataba wa miaka miwili kusalia katika klabu ya Yanga sc baada ya ule wa awali kufikia tamati msimu huu uliotamatika kwa klabu hiyo kutetea mataji mawili ya ligi kuu na kombe la Shirikisho nchini.

Kibwana awali tetesi zilivuma kuwa anahitajika na klabu ya Azam Fc lakini uimara wa Rais wa Yanga sc Eng.Hersi Said akisaidiwa na fedha za Gharib Said Mohamed (Gsm) ulihakikisha kuwa unatimiza matakwa ya beki huyo ili asalie klabuni hapo.

Kocha Miguel Gamondi katika ripoti yake alihitaji kuendelea kusalia na beki huyo kikosini humo aendelee kumpa changamoto Yao Kouasi katika upande wa beki ya kulia ili kuhakikisha anakua na wachezaji waliotayari kwa mchezo muda wote.

Mpaka sasa Yanga sc imejitahidi kuwabakisha takribani mastaa wake wengi ambao mikataba yao imekwisha ili kuhakikisha wanakua na kikosi imara cha wachezaji wa ndani na wageni ili kufanya vizuri katika michuano ya ndani na nje ya nchi.