“Hatuwaogopi” Kocha Al Merrekh

Kocha wa klabu ya Al Merrekh ya Sudan Lee Clark amesema kuwa klabu hiyo haiwaogopi Yanga sc na wataingia kwa lengo la kupata ushindi ili kufuzu hatua ya makundi ya michuano ya klabu bingwa barani Afrika.

Kocha huyo amesema hayo kuelekea mchezo wa marudiano utakaofanyika jijini Dar es salaam Septemba 30 mwaka huu ambapo katika mchezo wa awali klabu hiyo ilikubali kipigo cha mabao 2-0 ikiwa nyumbani nchini Kigali ambapo klabu hiyo imeamua kutumia  uwanja wa Pele nchini humo kama uwanja wa nyumbani kutokana na nchini Sudan kuwa na machafuko ya kisiasa.

” Young Africans SC ni miongoni mwa timu zinazoogopwa kwa sasa Barani Africa, Sisi Al-Merrikh tutawaheshimu lakini hatutakaa nyuma, kama Yanga waliweza kupata magoli mawili ugenini hata sisi tunaweza kupata magoli mawili ugenini Dar es Salaam”Alisema kocha huyo ambaye amewahi kuwa mchezaji wa timu ya Taifa ya Uingereza miaka ya nyuma

Yanga sc na Al Merrekh zitakutana Septemba 30 katika mchezo pili utakaofanyika jijini Dar es salaam katika uwanja wa Azam Complex ambapo Yanga sc watakua na kazi ya kulinda ushindi wao wa mabao 2-0 waliopata katika mchezo wa awali huku wageni wakiwa na kazi ya kutafuta mabao kuanzia matatu ili kujihakikishia kufuzu hatua ya makundi.