Chama arejea Msimbazi

Mabingwa watetezi wa ligi kuu soka Tanzania bara Simba sc imefanikiwa kumrejesha tena nchini kiungo wake mshambuliaji wa zamani Mzambia Clatous Chota Chama na kumtambulisha mchana huu.

Simba sc imefanikiwa kumpata mchezaji huyo baada ya kufikia makubaliano ya kuvunja mkataba wake na RS Berkane ya Morocco aliyojiunga nayo mwanzoni mwa msimu huu kwa kiasi kikubwa cha fedha.

Kukosa nafasi ya kuanza kucheza mara kwa mara kikosini,hali ya hewa na utamaduni wa nchi hiyo ya Kiislamu ndivyo vitu vinavyotajwa kuchangia kwa kiasi kikubwa mchezaji huyo kuamua kusitisha mkataba wake na mabingwa hao wa kombe la shirikisho barani Afrika mwaka 2020 licha ya kocha mkuu wa timu hiyo Florent Ibenge kuhitaji sana mchezaji huyo asalie.

Chama anaenda kutimiza idadi ya wachezaji 12 wa kigeni ndani ya klabu hiyo baada ya mkataba wa wa Mmalawai Duncan Nyoni kusitishwa mapaema mwezi huu na kutupiwa virago.

Usajili huu utarejesha furaha ya mashabiki na benchi la ufundi baada ya kukosa mbadala wake tangu aondoke,na atawaimarisha zaidi Simba katika mashindano ya shirikisho barani Afrika pamoja na harakati zao za kutetea ubingwa wa ligi kuu.