Bacca Ajifunga Yanga Mpaka 2027

Beki wa klabu ya Yanga sc Ibrahim Hamad maarufu kama Bacca ameongeza mkataaba wa kuendelea kusalia katika klabu ya Yanga sc kwa kipindi cha miaka mitatu ambapo atakaa klabuni hapo mpaka mwaka 2027 mkataba wake utakapomalizika rasmi.

Bacca aliyewashangaza wengi baada ya kuleta ushindani katika pacha ya Dickson Job na Bakari Mwamnyeto katika eneo la ulinzi la klabu hiyo pamoja na Timu ya Taifa ya Tanzania (Taifa Stars) muda mchache tangu ajiunge na klabu hiyo akitokea katika klabu ya Kmkm ya Zanzibar.

Yanga sc inafaidika zaidi na uimara wa Bacca kutokana na kuwa askari wa kikosi cha kuzuia magendo (Kmkm) huku kazi hiyo ikimjenga kuwa na nidhamu ya kutosha pamoja na hali ya upambanaji huku akijitoa mhanga mara kadhaa kuokoa hatari zote za juu ama chini.

Tangu ajiunge na Yanga sc Bacca uwanjani amekua na mafanikio ya kutosha akitwaa mataji ya ligi kuu na kombe la shirikisho la Azam mara mbili huku akiisadia timu hiyo kushika nafasi ya pili katika michuano ya kombe la shirikisho barani Afrika.