Aziz Ki,Yanga Sc Kujadili Mkataba Mpya

Wakala wa nyota wa Yanga SC, Stephan Aziz Ki aitwaye Zambro Traore yupo nchini kujadiliana na Yanga SC juu ya mteja wake kuongeza mkataba mpya wa kuendelea kukipiga ndani kikosi cha Yanga SC.

Mkataba wa sasa wa nyota huyo unaelekea ukingoni mwishoni mwa msimu ambapo baadhi ya klabu kama Al Ahly, Pyramid, Orlando Pirates na Azam FC zimeonyesha Nia ya kuitaka saini ya kiungo huyo raia wa Burkina Faso huku mwenyewe akiwa na nia ya kuendelea kusalia Yanga sc.

Nyota huyo aliyecheza michuano ya mataifa ya Afrika(Afcon 2023) akiwa na kikosi cha Burkina Faso mara kadhaa amenukuliwa akisema kuwa bado ana deni kwa wanayanga kutokana na imani pamoja na uvumilivu mkubwa waliomuonyesha kipindi anawasili hasa baada ya kutokua katika kiwango sitahiki.

Zambro Traore ni moja kati ya mawakala wenye uzoefu mkubwa Barani Africa na anamiliki baadhi ya wachezaji ambao wanaichezea Yanga SC kama Pacome ZouZoua, Joseph Guede na Koussi Yao pia alihusika kwenye dili la aliyekua mshambuliaji wa Yanga sc Fiston Mayele kuelekea Pyramid.