Azam Fc,Kmc Zatinga 32 Bora

Klabu za Azam Fc na Kmc Fc zimefanikiwa kufuzu hatua ya 32 bora ya kombe la shirikisho nchini la Azam Sports baada ya zote mbili kupata ushindi katika michezo yao iliyofanyika wikiendi hii.

Azam Fc iliibamiza Alliance Fc kwa mabao 2-1  katika uwanja wa Azam Complex na mabao yakifungwa na Alassane Diao dakika ya  48 na  James Akaminko dakika ya 56 huku bao la Alliance Fc likifungwa na Eric Paul dakika ya  90.

Kwa upande wa Kmc ilinayomilikiwa na Manispaa ya Kinondoni yenyewe ilifuzu kwa changamoto ya mikwaju ya Penati ambapo ilishinda kwa mabao 4-2 dhidi ya ACA Eagle baada ya mechi kumalizika kwa suluhu 0-0 uwanja wa Uhuru, Dar es Salaam.

Sasa timu hizo zimefuzu hatua ya 32 bora na zitaungana na timu za Ihefu Fc, Dodoma Jiji, Namungo, JKT Tanzania, Geita Gold, Tabora United, Mashujaa,Coastal Uniona, Singida Fountain Gate zinazoshiriki Ligi Kuu kwenye hatua ya 32 bora Kombe la Shirikisho la Azam (ASFC).