Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi amekutana na Mkuu wa masoko na mauzo wa timu ya Chelsea ya England Barnes Hampel pamoja ujumbe wake Ikulu Zanzibar siku ya Februari mosi, 2024.

Katika mazungumzo yao wamezungumzia kuhusu kuitangaza Zanzibar katika sekta ya utalii na kuanzishwa kwa Academy za mpira wa miguu Visiwani humo lengo likiwa ni kukuza kipato pamoja na kuongeza ajira kwa wananchi Visiwani humo.

Mkutano huo uliofanyika Ikulu Visiwani humo umeonyesha kuwavutia wadau wengi wa michezo nchini kutokana na ukweli kwamba michezo imekua ni chachu ya kukuza utalii nchini huku nchi ya Rwanda ikiwa ni shamba darasa baada ya kufanikiwa kukuza utalii nchini humo baada ya kujitangaza kupitia klabu ya Arsenal katika bango la “Visit Rwanda”.

Licha ya kupenda michezo yeye Binafsi Rais Mwinyi amekua chachu ya kukuza michezo visiwani humo baada ya hivi karibuni kutoa fedha za kukarabati uwanja wa Amaan kuwa wa kisasa zaidi.