Yanga sc Yatolewa Caf

Klabu ya Yanga sc imeshindwa kuingia hatua ya makundi ya klabu bingwa barani Afrika baada ya kukubali kipigo cha bao 1-0 katika mchezo wa marudiano ya ligi hiyo dhidi ya Al Hilal Fc uliofanyika katika uwanja wa Al Hilal Ormduoman jijini Khartoum nchini Sudan.

Ikiingia katika mchezo huo ikiwa na kumbukumbu ya sare ya 1-1 katika mchezo wa awali jijini Dar es salaam Yanga sc iliruhusu bao la mapema dakika ya 3 ya mchezo lililofungwa na Mohamed Abdelhaman aliyemalizia krosi ya Yasir ambaye aliwatoka mabeki wa Yanga sc na kumpasia mfungaji wa bao hilo.

Licha ya juhudi za Yanga sc kutaka kusawazisha bao hilo lakini mpaka dakika ya mwisho ya mchezo matokeo yalibaki 1-0 na kuwawezesha Al Hilal Fc iliyochini ya kocha Florent Ibenge kufuzu hatua ya makundi ya michuano hiyo mikubwa kwa ngazi za klabu barani Afrika huku Yanga sc sasa wakifikisha miaka 24 bila kufuzu hatua ya makundi ya michuano hiyo.

Yanga sc sasa inatacheza mchezo wa Play Off ili kufuzu hatua ya makundi ya michuano ya Shirikisho baada ya kutolewa katika raundi ya pili ya michuano ambapo ikifanikiwa kufuzu itaingia hatua ya makundi ya michuano hiyo ya pili kwa ukubwa barani Afrika.