Yanga Sc Yapigwa Faini 12m

Klabu ya Yanga sc imepigwa faini ya shilingi za kitanzania milioni 12 na bodi ya ligi nchini kutokana na makosa mbalimbali kwa mujibu wa Taarifa iliyotolewa na Bodi hiyo.

Yanga sc imepigwa faini hiyo kutokana na makosa ya kutumia mlango usio rasmi katika mchezo ambapo wamekiuka kanuni ya 17:21 ya ligi kuu na kupewa adhabu hiyo kwa mujibu wa kanuni ya 17:62 ya taratibu za mchezo.

Pia mbali na kosa hilo klabu ya Yanga sc imetozwa faini nyingine ya shilingi milioni moja nyingine kwa kosa ya kutotumia vyumba vya kubadilishia nguo kwa mujibu wa kanuni ya 17:20 ya ligi kuu ambapo adhabu hiyo imezingatia adhabu ya 17:62 ya taratibu za mchezo.

Kabla ya mchezo huo siku moja nyuma klabu hiyo ilifanya kosa ambapo iliwakilishwa na kocha mkuu Miguel Gamondi pekee katika mkutano na waandishi wa habari badala ya watu watano kama ilivyo kanuni ambapo pia wamepigwa faini ya shilingi milioni moja.

Pamoja na adhabu hizo za fedha pia bodi ya ligi kuu nchini imeipa onyo klabu hiyo kutokana na kuchelewa kufika katika uwanja wakati wa michezo dhidi ya Pamba sc na Simba Sc.