Uganda Yaizima Taifa Stars

Timu ya Taifa ya Uganda (Uganda The Cranes) imezima matumaini ya Tanzania kufuzu fainali za mataifa ya Afrika mwaka 2023(Afcon 2023) zitakazofanyika nchini Ivory Coast baadaya kufanikiwa kuibuka na ushindi wa 1-0 katika mchezo uliofanyika katika uwanja wa Benjamini Mkapa jijini Dar es salaam.

Licha ya kuibuka na ushindi wa 1-0 katika mchezo wa awali nchini Misri Stars ilishindwa kabisa kufurukuta katika eneo la mbele la ushambuliaji na kuufanya mchezo muda wote kuwa suluhu huku kazi nzuri ya mabeki wa Taifa stars chini Ibrahim Hamad na Novatus Dismas ikiwaweka Stars mchezoni.

Mambo yalibadilika katikati ya kipindi cha pili ambapo kocha Adel Amrouche alimtoa Mzamiru Yassin na kumuingiza Feisal Salum ambapo mabadiliko hayo yalimpa uhuru Khalid Aucho kucheza huku akipiga pasi za mbele zaidi.

Licha ya uwanja kujaa mashabiki wakiishangilia Stars mbele ya waziri mkuu Kassim Majaliwa Stars ilifanya kosa kubwa la kutokaba nafasi dakika ya 90+4 ambapo Rogers Mato alipokea pasi akiwa huru na kumchungulia kipa Aishi Manula aliyebaki akiwa hana la kufanya.

Sasa Tanzania inabidi ishinde mchezo miwili ijayo dhidi ya Niger hapa nchini na pia ugenini dhidi ya Algeria ambao tayari wameshafuzu kwenda nchini Ivory Coast.