“Tutawafunga Al Ahly”-Arafat

Makamu mwenyekiti wa klabu ya Yanga sc Arafat Haji amesema kuwa klabu hiyo itawafunga timu ya Al Ahly watakapokutana katika mechi za makundi ya michuano ya klabu bingwa barani Afrika kuanzia mwezi novemba mwaka huu.

Yanga sc ipo kundi moja la D na Al Ahly,Medeama Cr Belouzdad ambapo mchezo wa kwanza utazikutanisha Yanga sc dhidi ya Belouzdad nchini Algeria katika ufunguzi wa kundi hilo.

Arafat alisema hayo wakati akifanya mahojiano na kituo cha Egyptian Tv kwamba katika mchezo dhidi ya Al Ahly wapo tayari kupambana nao na kuhakikisha wanapata matokeo nyumbani na ugenini lakini watafanya hivyo kwenye michezo mingine ya kundi D.

“Al Ahly ni timu nzuri na itakuwa inatetea ubingwa. Sisi tunatakiwa kuonyesha kwamba tunastahili kushindana nao na kushinda mechi ya nyumbani na ugenini,”Alisema

“Timu yetu ipo tayari kwa Ligi ya Mabingwa. Tuna wachezaji katika timu ya Taifa Tanzania na wapo wachezaji wengine wenye uzoefu wa kutosh. Tunaamini tunaweza kufanya vizuri kwenye michezo yetu ya kundi,”Alisema Arafat haji

Yanga sc imefuzu hatua ya makundi ya klabu bingwa barani Afrika kwa mara ya tatu katika historia ya klabu hiyo huku katika upande wa kombe la shirikisho wakifanikiwa kufika fainali msimu uliopita ambapo walifungwa kwa sheria ya bao la ugenini na Usm Algers.