Stars Mtegoni Chan

Timu ya Taifa ya Tanzania(Taifa stars) imejiweka katika mazingira magumu kufuzu katika michuano ya Afcon baada ya jana kulazimishwa suluhu na Kenya katika mchezo wa kwanza uliofanyika uwanja wa taifa jijini Dar es salaam.

Stars inabidi ijilaumu yenyewe baada ya washambuliaji wake wakiongozwa na John Boko kukosa nafasi kadhaa za kufunga huku wakitawala mchezo kwa zaidi ya asilimia 60 kipindi cha kwanza.

Licha ya kukosa umakini stars inabidi imshukuru mkongwe Juma Kaseja aliyepangua hatari kadhaa za Harambee stars golini huku safu ya kiungo iliyoongozwa na Jonas Mkude ikiweza kutawala eneo hilo.

Katika mchezo kocha Ettiene Ndayiragije alitoa nafasi kwa mara ya kwanza kwa makinda Paulo Godfrey,Kelvin John,Salum Aiyee na Idd Seleman ambao walionyesha viwango vizuri licha ya ugeni wao kikosini.

Kwa matokeo hayo Stars inahitaji ushindi au sare ya ina yeyote katika mechi ya marudiano itakayofanyika nchini kenya Agosti 4.