Simba sc Yaifuata Tripoli

Msafara wa kikosi cha timu ya Simba Sc mapema kimeanza safari ya kuelekea nchini Libya tayari kwa mchezo wa hatua ya pili michuano ya kombe la Shirikisho barani Afrika dhidi ya Al Ahly Tripoli ya nchini humo.

Msafara wa mastaa wa timu hiyo umeondoka mapema ya leo na tayari umewasili salama nchini Uturuki ambapo watalala hapo usiku wa leo na mapema kesho watakwea pipa kuelekea nchini Libya.

Baadhi ya mastaa waliokua na timu zao za Taifa wakiwemo Mohammed Hussein,Edwin Balua na Ally Salim wenyewe wameanza safari tangu jana kuelekea nchini humo na wataungana na kikosi moja kwa moja nchini Libya.

Simba sc na Tripoli wanatarajiwa kuumana siku ya Jumapili katika mchezo wa kwanza na watarudiana baada ya wiki moja na mshindi atafuzu moja kwa moja hatua ya makundi ya kombe hilo.